Նորություններ / 2024թ․ երկրորդ եռամսյակում 5 ապահովագրական ընկերություն ՀՀ 1000 խոշոր հարկատուների ցանկում է

ՀՀ Պետական եկամուտների կոմիտեն հրապարակել է 2024թ․ երկրորդ եռամսյակի «1000 խոշոր հարկատուների» ցանկը։ Այս ցանկում տեղ են գտել Հայաստանում գործող ապահովագրական 5 ընկերություններ։

Այսպես, հունվարից հունիս ընկած ժամանակահատվածում վճարած հարկերի մեծությամբ ցանկի 397-րդ տեղում «Լիգա Ինշուրանս» ապահովագրական ընկերությունն է, 471-րդը «Նաիրի Ինշուրանս» ապահովագրական ընկերությունն է, 773-րդը՝ «ԷՖԵՍ» ԱՓԲԸ, 774-րդը՝ «Ինգո Արմենիա» ապահովագրական ընկերությունը, 828-րդը՝ «Արմենիա Ինշուրանս» ապահովագրական ընկերությունը։

1000 խոշոր հարկ վճարողների վերաբերյալ ցանկը հասանելի է ՊԵԿ պաշտոնական կայքի «Տեղեկություն հարկ վճարողների վերաբերյալ» բաժնի «Հարկ վճարողների վերաբերյալ տեղեկատվական ցանկեր» ենթաբաժնում: