Նորություններ / Ապահովագրական համակարգի զարգացման տեսլականը՝ ՀԱՄ և Նաիրի Ինշուրանսի ղեկավարների միջև կայացած ոլորտային հանդիպման հիմքում

Հայաստանի ապահովագրողների միության գործադիր տնօրեն Թամարա Հաբեթյանի և «Նաիրի Ինշուրանս» ապահովագրական ՓԲԸ գործադիր տնօրեն Մանե Մարտիրոսյանի միջև կայացել է հանդիպում՝ ապահովագրական համակարգի զարգացման տեսլականը քննարկելու նպատակով։

Հանդիպման ընթացքում քննարկվել է ապահովագրական համակարգի զարգացման տեսլականը և Հայաստանի ապահովագրողների միության առաքելությունը համակարգի զարգացման գործընթացում։ Մասնավորապես՝ կարևորվել է Միության դերը՝ որպես գործող ապահովագրական ընկերությունների անունից պետական և ոչ պետական մարմիների մոտ հանդես եկող, ընկերությունների միասնական դիրքորոշումը ներկայացնող առաջնային օղակ։

Ընդգծվել է Հայաստանի ապահովագրողների միության կողմից կրթական ծրագրերի իրականացման և ապահովագրության մասին իրազեկման տարբեր միջոցառումների կազմակերպման կարևորությունը։

Քննարկվել է պարտադիր ապահովագրատեսակների ներդրման անհրաժեշտությունը՝ կարևորելով դրանց նշանակությունը թե՛ հասարակության համար սոցիալական օգուտների, թե՛ ապահովագրական համակարգի զարգացման տեսանկյունից։

Մեծ կարևորություն է տրվել Միության հեղինակության և ճանաչելիության բարձրացմանը, տեղական և միջազգային տարբեր մասնագիտական հարթակներում Միության ակտիվ գործունեությանը։