Նորություններ / Ոլորտի մարտահրավերները՝ ՀԱՄ-ի և Ռեգո Ինշուրանսի տնօրենների հանդիպման առանցքում

Հայաստանի ապահովագրողների միության տնօրեն Թամարա Հաբեթյանն ու «Ռեգո Ինշուրանս» ապահովագրական ընկերության տնօրեն Արթուր Մկրտչյանը հանդիպել և քննարկել են ոլորտի մարտահրավերները, անդրադարձել աշխատանքային կարևոր ուղղություններին և ոլորտում անելիքներին։

Հանդիպման ընթացքում, մասնավորաբար․

• Կարևորվել է թափանցիկ և մրցունակ ապահովագրական համակարգ ունենալու տեսլականը։
• Առանձնահատուկ նշանակություն է տրվել համակարգում կրթական ծրագրերի ներդրմանը՝ համակարգում որակյալ կադրային ներուժ ձևավորելու նպատակով։ Կրթական ծրագրերը ներառում են և՛ ԲՈՒՀ-երի հետ համագործակցությունը, և՛ մասնագիտական վերապատրաստման դասընթացների կազմակերպումն աշխատակիցների համար։
• Միջնորդների ինստիտուտի զարգացումը, այդ թվում՝ գործակալների մասնագիտական համապատասխանության բարձրացմամբ։ Ընդգծվել է նաև միջնորդների դերը հասարակության շրջանում ապահովագրության վերաբերյալ իրազեկվածության բարձրացման տեսանկյունից։