Նորություններ / ՀԱՄ-ը շարունակում է ոլորտային հանդիպումների շարքը

Հայաստանի ապահովագրողների միությունը շարունակում է հանդիպումների շարքն ապահովագրական ընկերությունների ղեկավարների հետ։
ՀԱՄ տնօրեն Թամարա Հաբեթյանն այս անգամ հանդիպել է «Արմենիա Ինշուրանս» ԱՍՊԸ տնօրեն Արման Դաղունցի և ընկերության այլ ներկայացուցիչների հետ։
Հանդիպման ընթացքում քննարկվել են ոլորտում առկա հիմնական խնդիրները, դրանց արդյունավետ լուծման ուղղությամբ անհրաժեշտ աշխատանքները։
Կարևորվել է ապահովագրության տարբեր տեսակների վերաբերյալ հանրության շրջանում իրազեկվածության բարձրացումը, քննարկվել են հնարավոր քայլերը։ Մասնավորապես, զրուցակիցները խոսել են ապահովագրական ոլորտում տեղեկատվական համակարգերի բարելավման մասին։
Ընդգծվել է վիճակագրական հավաստի տվյալների առկայության, վերլուծության կարևորությունը, ինչը հնարավորություն կտա ոչ միայն ոլորտի մասին առավել համապարփակ պատկերացում ունենալ, այլև վերհանել խնդիրներն ու մարտահրավերները։