Նորություններ / Առողջության համապարփակ ապահովագրության թեմայով քննարկում ԱԺ-ում

Մարտի 19-ին Ազգային ժողովում տեղի ունեցավ առողջության համապարփակ ապահովագրության թեմայով հանդիպում ապահովագրական ընկերությունների, Ֆինանսավարկային և բյուջետային ու Առողջապահության հարցերի մշտական հանձնաժողովների միջև։ Հանդիպմանը մասնակցում էին առողջապահության նախարար Անահիտ Ավանեսյանը, Կառավարության այլ անդամներ, Հայաստանում գործող ապահովագրական ընկերությունների և Հայաստանի ապահովագրողների միության ներկայացուցիչները։
Հայաստանի ապահովագրողների միության խորհրդի նախագահ Արմինե Մելքոնյանը ներկայացրեց ապահովագրական ընկերությունների տեսլականը ՀՀ-ում առողջության համապարփակ ապահովագրության ներդրման վերաբերյալ։
Հաջորդեց հարցուպատասխան ԱԺ պատգամավորների հետ, որի ընթացքում ապահովագրական ոլորտի ներկայացուցիչներն առավել մանրամասն ներկայացրեցին հնարավոր ռիսկերը, դրանց կառավարման մոտեցումները և այլն։
Հանդիպման արդյունքում որոշվեց շարունակել քննարկումները՝ ավելի մանրամասն ծանոթանալու ապահովագրական ընկերությունների կողմից առաջարկվող մոդելի բովանդակությանը և ֆինանսական հաշվարկներին։