Նորություններ / Մեկնարկել է հանդիպումների շարք ապահովագրական ընկերությունների ղեկավարների հետ

Հայաստանի ապահովագրողների միությունը նախաձեռնել է հանդիպումների շարք անդամ ապահովագրական ընկերությունների ղեկավարների հետ։ Հանդիպումների նպատակն է ուրվագծել ապահովագրական համակարգի առաջիկա տարիների զարգացման տեսլականը և վեր հանել զարգացման ուղղությունները։

Առաջին հանդիպումը կայացել է «Էֆես» ապահովագրական ՓԲԸ գլխավոր գործադիր տնօրեն Արևշատ Մելիքսեթյանի հետ։ Հանդիպման ընթացքում Միության գործադիր տնօրեն Թամարա Հաբեթյանը և Արևշատ Մելիքսեթյանը քննարկել են ապահովագրական համակարգի զարգացման առաջնահերթությունները՝ կարևորելով համակարգում առկա խնդիրների լուծումը և միջազգային առաջատար փորձի ներդրումը ՀՀ ապահովագրական համակարգում։

Զարգացած ապահովագրական համակարգը կարևոր նշանակություն ունի ոչ միայն ֆինանսական համակարգի, այլև ողջ տնտեսության զարգացման համար, քանի որ ապահովագրական համակարգն անուղղակիորեն վերահսկում է հարակից ոլորտների բիզնես գործընթացները՝ ապահովելով թափանցիկություն և բարձրորակ ծառայություններ սպառողների համար։