Մեր մասին
Հայաստանի ապահովագրողների միությունը (ՀԱՄ) հիմնադրվել է 2024 թվականի սկզբին։
Անդամակցում են ՀՀ-ում գործող 7 ապահովագրական ընկերությունները՝ «Արմենիա Ինշուրանս», «Էֆես», «Ինգո Արմենիա», «Լիգա Ինշուրանս», «Նաիրի Ինշուրանս», «Ռեգո Ինշուրանս» և «Սիլ Ինշուրանս»։ Միության նպատակն է համախմբել անդամ ընկերությունների ջանքերն ու ներուժը՝ ոլորտը զարգացնելու, մարտահրավերների դեմ միասնաբար և առավել արդյունավետ պայքարելու համար։
Այսպիսով, ՀԱՄ-ի նպատակներն են․
- անդամ ապահովագրական ընկերությունների իրավունքների և օրինական շահերի միասնական պաշտպանությունը Հայաստանի Հանրապետության պետական և տեղական ինքնակառավարման մարմիններում, պետական և մասնավոր կազմակերպություններում, ինչպես նաև միջազգային և օտարերկրյա կազմակերպություններում։
- անդամների գործունեությանը խոչընդոտող իրավական և այլ խնդիրների վերհանումն ու դրանց լուծման (վերացման) ապահովումը,
- անդամների բնականոն գործունեության և զարգացման ապահովումը։